शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
ओमानमा विगत ५ वर्ष देखि क्लाउड क्रस group of कम्पनी खोलेर बसेका मुन्ना बाबू परियारले माओवादी जनसेना देखि कतार र अहिले ओमानमा गुरुप अफ कम्पनी बनाउन सफल भएका छन ।
गोर्खा जिल्लामा जन्मेका मुन्नाले पढाइ गोर्खा हुदै त्रिचन्द्र क्याम्पस काठमाडौमा गरेका थिए । यसरी कम्पनी बनाउन निकै लामो संघर्ष गरेको उनी बताउछन् ।
नेपालमा अवसर भए पनि मानवीय सम्मान छैन । उच्च निच भन्ने जुन पुरानो रुढीबादी परम्परा छ त्यसले केही गर्छु भन्नेलाई पनि बाधा अबरोध गरेको खडा गरेको छ ।
नेपालमा विकास नहुनु पनि एउटा यहि कारण रहेको बताउछन् । अहिलेको यो युगमा उच्च निचको बिचार सबैले त्याग्नु पर्छ, यसले समाज देखि आर्थिक गतिविधिमा असर गरेको छ नै नेपालमा नै केही गर्छु भन्ने युवालाई हतोत्साहित बनाएर बिदेशीन बाध्य बनाएको कति घटना हामिले देखेका छौ ।
राज्यमा विभेद गर्नेलाई दण्ड गर्ने कानुन त छ कानुन मात्रै भएर पनि हुदैन कार्यान्वयन हुनुपर्छ । त्यो नेपालमा कमै मात्रमा भएको महसुस गर्द्छु ।
समाजमा रहेको रुढीबादी अन्य गर्न सबै लाग्नु पर्छ ।जातिय हिसाबले कसैले कसैलाई विभेद गर्नु हुदैन विभेद गरेर हतोत्साहित गराउदा देशलाई नै धेरै घाटा हुन्छ । केही गर्छु भन्ने युवाको मनोबल घट्छ ।
जस्ले नयाँ सिर्जनात्मक उद्योगहरु स्थापना हुन सक्दैनन् । विभेदले गर्दा उत्पादन गरिएको सामान बिक्रीवितरण हुन कठिनाइ हुन्छ बिक्रि नभए पछि युवा शक्ति बाध्यता भएर त्यो पेसा व्यापार छोडेर पलायन हुन बाध्य हुन्छ ।
यो विषयमा राज्य र समाज गम्भीर भएर सोच्नु पर्छ हामी २१ औं शताब्दीमा पनि उच्च,निच रुढीबादी चिन्तन बाट निस्कन सक्नु पर्छ उनले भने । फेरि पनि छिट्टै नेपालमा पनि लगानी गर्ने तयारी गरेको छु ।
कोरोना अहिले अलि कम भएको छ यो सामान्य भएर पुरानो अवस्थामा आयो भने होटल क्षेत्रमा लगानी गर्ने तयारी भएको छ यसको लागि २/३ वर्ष लाग्न सक्छ । त्यो भन्दा छिटो पनि हुन सक्छ भने ।
यसै सन्दर्भमा नेपालीहरुको महान पर्व दशै,दिपावली तथा छठपर्व २०७८ को,देश बिदेशमा रहनु भएका सम्पुर्ण आमाबुबा,दाजुभाइ दिदिबहिनीहरुमा शुभकामना व्यक्त गरेका थिए ।
