- ट्रेण्डिङ :
कुवेत - नेपालीहरूको महान् चाड शुभ दीपावलीको अवसरमा गैरआवासीय नेपाली संघ (एनआरएनए) कुवेतले भोटेकोशी बाढीपीडितको सहयोगार्थ देउसी–भैलो कार्यक्रम आयोजना गर्ने भएको छ।
एनआरएनए कुवेतका अध्यक्षद्वय विकासबहादुर सिंह र दिलकुमार पाख्रिनबीच बुधबार भएको छलफलले आगामी नोभेम्बर १२ तारिख बिहीबार साँझ खैतानस्थित राजधानी रेस्टुरेन्टमा कार्यक्रम आयोजना गर्ने निर्णय गरेको हो।
कार्यक्रममा नेपालबाट आमन्त्रित ख्यातिप्राप्त कलाकार कुमार प्रयास राईको विशेष उपस्थिति रहनेछ। देउसी–भैलो खेलेर संकलन गरिएको रकम गत भदौ १० गते भोटेकोशीमा आएको विनाशकारी बाढीबाट प्रभावित परिवारलाई सहयोगस्वरूप नेपाल पठाइने निर्णयसमेत भएको छ।
कार्यक्रम सञ्चालनका लागि संघका वरिष्ठ उपाध्यक्ष निरजसिंह ठकुरीलाई संयोजक र प्रवक्ता हर्क मोक्तानलाई आर्थिक संयोजकको जिम्मेवारी दिइएको छ।
नेपाली कला, संस्कृति र परम्पराको संरक्षणसँगै विपद्मा परेका नेपालीलाई सहयोग गर्ने उद्देश्यले आयोजना हुन लागेको कार्यक्रमले कुवेतस्थित नेपाली समुदायबीच आपसी एकता र सहयोगको भावना अभिवृद्धि गर्ने अपेक्षा गरिएको छ।
