- ट्रेण्डिङ :
कुवेत - कुवेतका प्रधानमन्त्री शेख सबाह खालिद अल-हमाद अल-सबाहले कुवेत सामान्य जीवनमा फर्किएको घोषणा गरेका छन । कोरोना भाईरसका कारण झन्डै बिस महिनापछि कुवेत सामान्य जीवनमा फर्किएको हो ।
हिजो पत्रकार सम्मेलनको क्रममा सरकारी सञ्चार केन्द्रका प्रमुख तारिक अल-मेजरिमका अनुसार'कुवेतको मन्त्रिपरिषद्ले २२ अक्टोबर बाट मस्जिदहरुमा प्राथना गर्नेहरु बीचको सामाजिक दूरी प्रतिबन्ध हटाउने निर्णय गरेको छ'।
मानिसहरुलाई मास्क नलगाई खुला यरियामा बाहिर जान अनुमति दिने निर्णय गरेको छ भने सभा, सम्मेलन र भीडभाड हुने स्थानमा सामाजिक दूरीको पालना गरी मास्क लगाउनु पर्नेछ । त्यसैगरी कोभिड भ्याक्सिनको दुई डोज लगाएकालाई सभा सम्मेलन, बिबाह, भोज लगायत सेमिनार संचालन गर्न अनुमति दिने भएको छ ।
कुवेत प्रवेश गर्न चाहनेहरु र कोभिड भ्याक्सिनको दुई डोज (कुवेत स्वास्थ्य मन्त्रालयमा प्रमाणित) प्राप्त गरिसकेकाहरुलाई भिसा जारी गर्ने अनुमति दिने भएको छ। मन्त्रिपरिषद्ले कुवेत अन्तर्राष्ट्रिय बिमानस्थल अक्टोबर २४ बाट पूर्ण क्षमतामा खोल्न अनुमति दिएको छ ।
