- ट्रेण्डिङ :
कुवेतको साल्मियास्थित मेट्रो स्पेस्लाइज्ड हस्पिटल र एनआरएनए कुवेतको सहकार्यमा भएको नि:शुल्क स्वास्थ्य शिविरबाट तीन सय बढी नेपाली लाभान्वित भएका छन ।
कुवेतमा कार्यरत वैधानिक तथा अवैधानिक नेपालीलाई सिभिल आईडी र राहदानीको आधारमा निशुल्क स्वास्थ्य शिविरमा सेवा दिइएको थियो । विहान १० बजेबाट बेलुकी ५ बजेसम्म स्वास्थ्य जाँचको लागि समय तोकिएको भएता पनि सेवाग्राहीको अत्याधिक चाप बढेकाले बेलुकी १०बजेसम्म स्वास्थ्यकर्मीहरुले सेवा दिएका थिए।
उक्त स्वास्थ्य शिविरबाट एक्सरे,अल्ट्रासाउन्ड र केहीले डक्टरको सल्लाह बमोजिम पिसीआर परीक्षणको समेत सुबिधा लिएका थिए ।अधिकांश नेपालीहरुमा मधुमेह, कोल्स्टोर, रक्तचाप रपिसाब सम्बन्धी समस्याहरु देखिएको थियो।
सेवाग्राहीहरुलाई आवश्यकता अनुसारका परीक्षण गरी रिपोर्ट दिने साथमा औषधी र फलोअप जाँचमा२० प्रतिशत छुटको सुविधा समेत ब्यबस्था गरिएको थियो ।स्वास्थ्य परिक्षणका लागि सेवाग्राहीको संख्या बढी भएपछि आगामी नोभेम्बर १९ शुक्रबार बिहान ७ बजे देखि १२ बजे सम्मका लागि सय जनालाई निःशुल्क स्वास्थ्य जाँचको टिकट दिईएको छ।
कुवेतका लागि नेपाली राजदूत दुर्गा प्रसाद भण्डारीको प्रमुख अतिथिको रुपमा स्वास्थ्य शिविरमा उपस्थित रहेको थियो । एनआरएनए कुवेत र मेट्रो अस्पातलको सहकार्यमा आयोजित निशुल्कस्वास्थ्य शिविरले कुवेतमा कार्यरत धेरै नेपालीहरुलाई स्वास्थ्य अवस्था बारेमा बुझ्ने अवसर दिएको छ । यस्तो कार्यलाई निरन्तरता दिन समेत राजदूतले अनुरोध गरेका छन ।
