विश्वलाई आक्रान्त पारिरहेको कोरोनाले कुवेतलाई पनि अस्तब्यस्त बनाइरहेको छ । तर पनि मंगलबार अर्थात आजदेखि कुवेतको जनवीवन सामान्य भएको छ ।
(तस्विर : मयूरपाटी डिजिटल पत्रीका)कोरोना संक्रमणका कारण लामो समय देखी लकडाउनले केही क्षेत्रहरु ठप्प रहेको कुवेत लाई चौथो चरणमा जनजीवन सहज बनाउने निर्णय कुवेत सरकारको अगष्ट-१३ तारिक बसेको बैठकले गरेको हो।
द टाइम्स कुवेतले जनाए अनुसार क्षमताको ५० प्रतिशत बस्न पाउने गरी होटल, रेष्टुरेन्ट, क्याफे तथा सार्वजनिक यातायात सञ्चालन हुने छन् ।
(तस्विर : मयूरपाटी डिजिटल पत्रीका)यी क्षेत्रमा काम शुरु भएपछि नेपाली कामदारहरु रोजगारीमा फर्किने सम्भावना बढेको बताइएको छ । रेष्टुरेन्ट र होटलसँगै खेलकुद क्लबहरु, ब्युटी पार्लर, सैलुन, सार्वजनिक यातायात सहित निजी तथा सरकारी कार्यालयहरु पनि खुल्ने छन् ।
तर सामान्य अबस्थाको संख्यामा ५० प्रतिशत मात्र भिडभाड हुने गरि खोल्ने भनिएको ब्यापार ब्यबसायमा पनि कोरोना संक्रमणबाट बच्ने उपायहरु अबलम्बन गर्नु पर्ने छ।
विशेष गरि अरुबाट आफुलाई र आफुबाट अरुलाई कोरोना संक्रमण नहोस भन्नको लागि हातमा पन्जा, मुखमा मास्क लगाउने, समाजिक दूरी कायम गर्ने लगाएत फूटबल खेलहरुमा दर्शकहरु रहन नपाउने नियम कडाईको साथ लागू गरिने छ।
बेलुका ९ बजे देखी बिहान ३ बजे सम्म कर्फ्यू लाग्ने छ । कर्फ्यू लागेको समयमा भने आवतजावत गर्न सख्त मनाही गरिएको छ ।
