शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । विश्व स्वास्थ्य संगठन (डब्लुएचओ) ले सन २०२२ भित्र कोरोनामाथिको विजय प्राप्त गर्ने विश्वास व्यक्त गरेको छ ।
डब्लुएचओका प्रमुख डा. टेडरोज आध्यनोम गेब्रेयेसोसले सन् २०२२ मा कोरोना भाइरसको महामारीमाथि विजय प्राप्त गर्नेमा आशावादी रहेको बताएका हुन् ।
कोरोना भाइरसको नयाँ भेरियन्टको संक्रमण फैलिन नदिनका लागि विश्वभरका देशहरुले सहकार्य गर्नु पर्नेमा उनले जोड दिएका छन ।
डब्लुएचओ प्रमुख डा. गेब्रेयेसोसले नयाँ वर्ष २०२२ को शुभकामना सन्देशमा ‘साँघुरो राष्ट्रवाद र खोप सञ्चय’ प्रवित्तीको आलोचना गर्दै त्यसो नगर्न चेतावनी दिएका छन ।
दुई वर्ष पहिले चीनको वुहानबाट सुरु भएको कोरोना भाइरसको महामारी त्यसयता विश्वभर फैलिएको छ ।
अहिलेसम्म विश्वभर कोरोना संक्रमितको संख्या २८७ मिलियन पुगेको छ ।
कोभिड–१९ का कारण ५५ लाख मानिसले ज्यान गुमाइसकेको बिबिसीले जनाएको छ ।
