- ट्रेण्डिङ :
देशका तीनवटा प्रदेशमा आज वर्षा हुने सम्भावना रहेको छ ।
पश्चिमी न्यून चापीय प्रणालीको प्रभावले आज सुदूरपश्चिम प्रदेश, कर्णाली प्रदेश र लुम्बिनी प्रदेशमा हल्कादेखि मध्यमसम्म वर्षा हुने मौसम पूर्वानुमान महाशाखाले जनाएको हो ।
महाशाखाकाअनुसार बाँकी प्रदेशका केही स्थानमा पनि हल्का वर्षाको सम्भावना रहेको छ ।
यसकासाथै उच्च पहाडी तथा हिमाली भू–भागमा हल्कादेखि मध्यम हिमपातको सम्भावना रहेको छ ।
वर्षा तथा हिमपात मंगलबारसम्ममा पश्चिम हुँदै पूर्वसम्म आइपुग्ने महाशाखाले जनाएको छ ।
चिसोबाट बच्न र हिमपातबाट हुन सक्ने प्रभाववाट जोगिन आवश्यक सतर्कता अपनाउन मौसम पूर्वानुमान महाशाखाले आग्रह पनि गरेको छ ।
