म्याग्दी प्रवासी नेपाली संघ (मोना) कुवेतले नेपाली दूतावास कुवेतका श्रमसहचारी तथा मोना कुवेतका मानार्थ सल्लाहकार ज्ञानेन्द्र शर्मालाई एक विशेष कार्यक्रमको आयोजना गरी बिदाई गरेको छ ।
मोना कुवेतका अध्यक्ष प्रेम बहादुर बिश्वकर्मा, उपाध्यक्ष मान बहादुर फगामी, महासचिब चन्द्र बिश्वकर्मा, सहसचिब तेजिन श्रेष्ठ र कोषाध्यक्ष कृष्ण प्रसाद खड्काले नेपाली दूतावास कुवेतका श्रमसहचारी तथा मानार्थ सल्लाहकारलाई दोसल्ला, खादा लगाई उहाँले गनु भएको कार्यको उच्च मुल्याङ्क गर्दै प्रशंसा पत्रले सम्मान गरी बिदाई गरेको छ । उक्त बिदाई कार्यक्रममा बोल्दै श्रमसहचारीले भन्नुभयो कुवेतको बसाईलाई बिट मारी जादै गर्दा निकै दुख लागेको छ । भावि दिनमा कुवेतमा कार्यरत नेपालीको समस्यामा सक्दो सहयोग गर्ने साथै मोना कुवेतको लागी पनि जुनसुकै ठाउँमा रहे पनि आफुले सक्दो सहयोग गर्ने बताउनु भएको छ ।
म्याग्दी जिल्ला पात्लेखेत स्थायी घर भएका ज्ञानेद्र शर्मा २०७४ पुस ०५ गते नेपाली दूतावास कुवेतका लागि श्रमसहचारीको रुपमा कुवेत आउनु भएको थियो । नेपाली दूतावास कुवेतमा झण्डै ३१ महिना काम गरी २९ अगष्ट २०२० का दिन बिहाना १० बजे नेपाल एयरलाइन्सको फ्लाइटबाट नेपाल फर्किदै हुनुहुन्छ ।
कुवेतमा नेपालीको समस्यामा हरदम सहयोग गर्दै आउनु भएका श्रमसहचारी आफ्नो सफल कार्यकाल पुरा गरी नेपाल फर्किन लाग्नु भएको हो । कुवेतमा नेपालीहरुको हरेक समस्या समाधान गर्न तल्लिन रहनुको साथै कुवेतमा रहेका कृयाशिल संघ सस्था संग पनि श्रमसहचारीले निकै राम्रो समन्वय गर्नु भएको थियो ।
तस्बिर - मयूरपाटी
तस्बिर - मयूरपाटी
