शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाली जनप्रगतिशिल मञ्च ओमानले १३३ औ मजदुर दिवसको अवसर पारेर बनभोज तथा लामो समय देखि ओमानमा मजदुरि गर्दै आएका अग्रजहरुलाई एक कार्यक्रम आयोजन गरि सम्मान गरेको छ ।
ओमानको मस्कट स्थित सिबफाम हाउसमा भएको उक्त कार्यक्रमा प्रमुख अतिथि प्रवासी नेपाली एकता मञ्च ओमानका अध्यक्ष लिलानाथ कोइराला र मञ्चका अनुशासन बिभागका प्रमुख तोलाकान्ता भट्टराई रहेका थिए ।
कार्यक्रममा अतिथिहरु महिला समुहकी अध्यक्ष मादी गुरुङ्ग दलित एकता संजालका अध्यक्ष सुरेश बराली, पुराना समाज सेवि गोबिन्द गुरुङ्ग लगायत ओमानमा रहेका नेपाली दाजुभाई तथा दिदिबहिनीहरुको उपस्तिथि रहेको थियो ।
प्रमुख अतिथी लिलानाथ कोइरालाले प्रवासमा भए पनि मजदुरहरुलाई सबै श्रमजिबिहरुलाई संगठित हुन आग्रह गरे । मजदुर दिवस र बनभोज कार्यक्रमका अध्यक्ष तथा मञ्चका अध्यक्ष उमेश विश्वकर्माले कार्यक्रमको औचित्य बारे जानकारी गराएका थिए भने अतिथीहरु मादी गुरुङ्ग, गोबिन्द गुरुङ्ग, मञ्च उपाध्यक्षहरु चक्र तामाङ्ग , रिनामायाँ तामाङ्ग, मुन्ना बाबू परियार लगायतले १३३औ अन्तराष्ट्रिय मजदुर दिवसको शुभकामना दिएका थिए । मञ्चका अध्यक्ष उमेश विश्वकर्माको अध्यक्षतामा संचालन भएको उक्त कार्यक्रममा सम्पुर्ण कार्य समितिका सदस्य तथा सल्लाहकार लगायत ओमानमा कार्यरत अन्य मजदुरको समेत बाक्लो उपस्थिति रहेको थियो ।
मञ्चका अध्यक्ष विश्वकर्माका अनुसार यो दिवस मे को १ तारिक भए पनि ईस्लामिक धर्मावलम्बीको महान पर्व इद परेका कारण मे ६ मा सबै को छुट्टी भएका कारण पनि (मे ६) दिन यो दिवस मनाईएको हो । कार्यक्रममा बोल्दै विश्वकर्माले भने चेन अफ कमान्डको निर्देशनलाई पालना गर्दै आसन्न बैशाख ३० गतेको हुन गहिरहेको स्थानिय चुनावमा सबैजनाले पार्टीलाई सघाउन अनुरोध गरेका थिए ।
कार्यक्रममा लामो समय देखि ओमानमा कार्यरत अग्रजहरु तोलाकान्ता भट्टराई, मादी गुरुङ्ग, गोबिन्द गुरुङलाई मञ्चले सम्मान पत्र र खादा लागाएर सम्मान गर्दै,अध्यक्ष विश्वकर्माले कार्यक्रमको समापन गरेका थिए । उक्त कार्यक्रमको संचालन मञ्चका महासचिव पुर्ण विश्वकर्मा पहाडीले संचालन गरेका थिए भने कार्यक्रम समापन पछि उपस्थिति ५० भन्दा बढी नेपाली दाजु भाई दिदिबहिनीहरुले बनभोज खाएर मनोरञ्जन गरेका थिए ।
