शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत - वैदेशिक रोजगारका लागि कुवेत आएका कपिलवस्तुका बिशाल कुँवरको निधन भएको छ ।
कपिलवस्तु, बाणगंगा ०१, पिपराका बिशाल कुँवरको कुवेतमा हृदयघातका कारण निधन भएको हो । राहदानी नं. (०५७१२५५३) का बिशाल कुँवरको ११ जुलाई २०२२ का दिन हृदयघातका कारण निधन भएको हो ।
कुवेतस्थित नेपाली दूतावास कुवेतलाई १४ जुलाईमा विशाल कुँवेरको निधन भएको जानकारी प्राप्त भएको थियो । मृतक कुवेतको मामा मावाहेब रेस्टुरेन्ट कार्यरत थिए ।
सोही रेस्टुरेन्ट बाट भागेर अवैधानिकरुपमा लुकीछिपी अन्यत्र काम गर्दै आएका थिए ।
मृतक आमाको नाम टिका कुमारी कुँवर हो ।
कुवेतस्थित नेपाली दूतावास कुवेतका द्वितीय सचिव श्रीकृष्ण शिलवालका अनुसार 'मृतकको प्रारम्भिक जानकारी नेपाली दूतावासमा प्राप्त भईसकेको छ। मृतकको पोस्टमार्टम रिपोर्टमा हृदयघातका कारण निधन भएको पुष्टि भएको छ । शव स्वदेश पठाउनका लागि कानूनी प्रक्रियाका काम भईरहेको छ' ।
मृतकको परिवार सम्पर्कमा नआएको हुदा मृतकको परिवारको सम्पर्क नम्बर दूतावासलाई उपलब्ध गराई सहयोग गर्न नेपाली दूतावास कुवेतले आग्रह गरेको छ ।
