शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत - नेपाल कुवेत साँस्कृतिक मञ्चले आगामी २ सेप्टेम्बर २०२२ का दिन आयोजना गर्न लागेको हरितालिका तीज विशेष सांगीतिक कार्यक्रमको सम्पूर्ण तयारी पूरा भएको छ ।
चर्चित लोक दोहोरी गायिका देबी घर्ती मगर हरितालिका तीज विशेष कार्यक्रमको लागि आगामी १ सेप्टेम्बर २०२२ का दिन बिहान ६.३० बजे कुबेत आईपुग्ने नेपाल कुवेत साँस्कृतिक मञ्चका प्रवक्ता गोविन्द प्रसाद तिमल्सिनाले मयूरपाटीलाई जानकारी दिएका छन ।
कुवेतको अन्तर्राष्ट्रिय विमानस्थलमा सेप्टेम्बर १ तारिकका दिन बिहान ६.३० बजे गायिका देबि घति मगरलाई स्वागत गर्नका लागि कुवेतमा रहेका बिभिन्न संघ - संस्था, पत्रकार, खेलाडी , बुद्धिजीवी, कलाकार लगायत नेपाली दाजुभाई तथा दिदिबहिनीलाई उपस्थितिको लागि आयोजकले अनुरोध गरेको छ ।
नेपाल कुवेत साँस्कृतिक मञ्चले स्थापनाकालदेखी हरेक बर्षहरुमा नेपाली हिन्दू धर्मावलम्बी महिलाहरुको महानचाड हरितालिका तीजमा बिशेष सांगीतिक धमाका गर्दै आएको छ । नेपाल कुवेत साँस्कृतिक मञ्चको २० औं प्रस्तुती हरितालिका तीज विशेष सांगीतिक धमाकामा स्थानीय कलाकारले समेत प्रस्तुति दिने छन । 'हाम्रो संस्कृति हाम्रो पहिचान' भन्ने मुल नारालाई आत्मसात् गर्दै नेपाली कला र संस्कृतीको जगेर्ना गर्न तथा प्रवासमा निरन्तर काममा व्यस्त हुने गीत संगीत प्रेमी नेपालीहरुका लागि सांगीतिक मनोरन्जन भरपूर रुपमा प्रदान गर्न नेपाल कुवेत साँस्कृतिक मञ्चले हरेक वर्ष साँस्कृतिक कार्यक्रम गर्दै आएको छ ।
हरितालिका तीज विशेष सांगीतिक धमाका कार्यक्रमलाई सफल पार्न कुवेतमा कृयाशिल विभिन्न संघ - सस्था, समाजसेवी, बुद्दीजिवी, भद्रभलाड्मी, व्यवसायी, पत्रकार, कलाकार लगायत नेपाली दाजुभाई तथा दिदिबहिनी लाई आयोजकले पत्राचार गरि सकिएको छ । यदी कुनै कारणवश पत्र प्राप्त नभएको खण्डमा यसै समाचारलाई आधार मानी उपस्थित भई कार्यक्रमको शोभा बढाई दिन आयोजकले अनुरोध गरेको छ ।
हरितालिका तीज विशेष साँस्कृतिक कार्यक्रम निम्न मिति सयम र स्थानमा हुनेछ ।
मिति :- ०२ सेक्टेम्वर २०२२ ,शुक्रबार !
समय :- दिनको ठीक ०१ बजे !
स्थान :- इन्डियन सेन्ट्रल स्कुल जिलिब सोयक कुवेत !
आयोजक :- नेपाल कुवैत सांस्कृतिक मंच
