- ट्रेण्डिङ :
म्याग्दी प्रवासी नेपाली संघ (मोना) राष्ट्रिय कार्यकारी समिति कुवेतले तेश्रो वार्षिकोत्सव तथा हरितालिका तीज विशेष कार्यक्रम सम्पन्न गरेको छ ।
कुवेतको मङ्गाफ स्थित मेमोरिस हलमा २६ अगष्ट शुक्रवारको दिन तेश्रो वार्षिकोत्सव तथा हरितालिका तीज विशेष कार्यक्रम सम्पन्न गरेको हो । कार्यक्रममा अध्यक्ष मान बहादुर फगामीको सभापतित्व र आईइसी मध्यपूर्व उपसंयोजक तथा मोना कुवेतका सल्लाहकार दिपक छन्त्यालको प्रमुख आतिथ्यता रहेको थियो । मोना कुवेतले तेश्रो वर्ष पूरा गरेको उपलक्ष्यमा पानसमा दिप प्रज्वलन गरी केक काटेर मनाएको थियो । कार्यक्रम संचालन महासचिव तेजिन्द्र श्रेष्ठले गरेका थिए ।
वरिष्ठ उपाध्यक्ष नन्द बरुवालले सस्थाको आयव्यय प्रस्तुत गरेका थिए भने सस्थाको प्रतिवेदन उपाध्यक्ष चन्द्र गोतामेले प्रस्तुत गरेका थिए । नेपाली हिन्दु महिलाहरुको पर्व हरितालिका तीजको विशेष अवसरमा शुभकामना आदानप्रदान सहित चेलीबेटीलाई सम्मान पनि गरेको थियो । सस्थापक कोषाध्यक्ष कृष्ण प्रसाद खडकाको निधन भएको र अन्य पदाधिकारी तथा सदस्य कुवेत बसाईलाई बिट मारी स्वदेश फर्किएको हुदा कार्य समितिमा केही पद रिक्त रहेको थियो ।
मोना कुवेतको २०२१~२०२३ कार्य समितिको कोषाध्यक्ष पदमा गंगाधर गौत्तम, सह-कोषाध्यक्षमा तार्जन पुन, प्रवक्तामा अंकित गैरे सर्वसम्मत चयन भएका छन । त्यसैगरी कार्यसमिति सदस्यमा भक्त हर्मेल, बिमल पुन , चुन बहादुर रोका, लिल बहादुर रोका, नारायण थापा, गौदेबी फगामी, मनदेबी गुरुङ, सुवास साप्कोटा र नविन थापा सर्वसम्मत चयन भएका छन । कार्यक्रममा म्याग्देलीहरुको उल्लेख उपस्थिति रहेको थियो ।
