शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
ओमान । गैरआवासीय नेपाली सोसल क्लब ओमान र नेपाली रक्तदाता संघ ओमानको सयुक्त आयोजनामा ७ अक्टोबर शुक्रबारको दिन ओमान ब्लड बैक बौसरमा रक्तदान कार्यक्रम सम्पन्न भएको छ ।
रक्तदान कार्यक्रममा ओमानमा रहेका नेपालीहरुको उल्लेखनीय उपस्थिति रहेको थियो । विगतमा पनि
गैरआवासीय नेपाली सोसल क्लब ओमान र नेपाली रक्तदाता संघ ओमानले सयुक्त रक्तदान कार्यक्रम गर्दै आएको नेपाली रक्तदाता संघ ओमानका अध्यक्ष थानेश्वर भुषालले बताउनु भयो ।
उहाँले मानवीय जिवनमा अति आवश्यक पर्ने यो एउटा निस्वार्थ समाजसेवा हो । ओमान जस्तो ठाउँमा नेपालीहरुले यस्तो समाज सेवा गर्नु भनेको देश र राष्ट्रियता, नेपालीहरुको इज्जत र गौरवको विषय पनि हो । हामि केहिले धेरैको जीवनलाई पुनर्जीवन प्रदान गर्ने अवसर पाएको छौ,भन्नू भयो ।
ओमानमा स्थापित अन्य संस्था भन्दा फरक उद्देश्य लिएर स्थापना भएको नेपाली रक्तदाता संघ ओमानले हरेक ३/४ महिनाको फरकमा रक्तदान कार्यक्रमको आयोजना गर्ने गरेको छ । यो संस्था निस्वार्थ मानवीय समाज सेवामा समर्पित भएको काम गर्ने संस्थाको रुपमा लिइन्छ ।
संस्थाले आयोजना गर्ने कार्यक्रमलाई ओमान दर्ता भएको गैरआवासीय नेपाली सोसल क्लबले सहयोग गर्ने गरेको छ ।
