- ट्रेण्डिङ :
कुवेत - तमू समाज कुवेतको पहलमा कुवेतको अस्पतालमा उपचाररत दुई जना नेपाली महिलालाई रगत उपलब्ध गराईएको छ ।
कुवेतको आदान अस्पतालमा मुटु सम्बन्धि रोगको उपचाररत अन्जना लिम्बु र सबाह मेटर्निटी अस्पतालमा उपचाररत निर्मला गुरुङलाई रगत उपलब्ध गराएको हो । बिरामीको उपचारको क्रममा शल्यक्रिया गर्न रगतको आवश्यकता परेकाले तमू समाजका पुर्ब अध्यक्ष तथा वरिष्ठ सल्लाहकार खोप गुरुङ्को पहलमा ब्लड बैंक कुवेतसंग समन्वय गरि माग भए बमोजिमको रगत उपलब्ध गराईएको छ ।
दुबै जना बिरामीको रगत उपलब्ध गराएपछि शल्यक्रिया पनि सफल भएको खोप गुरुङले जानकारी दिएका छन । तमू समाज कुवेतले १९ जना भन्दा बढी बिरामीलाई ब्लड उपलब्ध गराउन समन्वय गरिसकेको छ । कुवेतमा कार्यरत रही बिरामी परेको अवस्थामा रगतको आवश्यकता परे समू समाज कुवेतलाई जानकारी गराउन समेत समाजले अनुरोध गरेको छ ।
