- ट्रेण्डिङ :
कुवेत - अल मुजैनी एक्सचेन्ज कुवेत कुवेतको वेष्ट फरेन एक्सचेन्ज प्रोभाइडर २०२२ -Best Foreign Exchange Provider 2022 अवार्डबाट सम्मानित भएको छ ।
कुवेत विजनेस ट्यालोइडले सो अवार्डबाट अल मुजैनी एक्सचेन्जलाइ सम्मानित गरेको हो । अलमुजैनी एक्सचेन्जले वर्ष २०२२ भरि प्रदान गरेको उत्कृष्ट रेमिट्यान्स सेवाको लागि कुवेत वेष्ट फरेन एक्सचेन्ज प्रोभाइडर २०२२ -Best Foreign Exchange Provider 2022 अवार्डबाट सम्मान गरेको जनाइएको छ ।
अलमुजैनी एक्सचेन्जको कुवेतको पुरानो तथा उत्कृष्ट कम्पनी मानिन्छ । विदेशी मुद्रा स्थानान्तरणको क्षेत्रमा सबैभन्दा बढि कारोबार गर्न सफल अल मुजैनी एक्सचेन्जले अाफ्ना १२६ भन्दा बढि शाखाहरू तथा २५ भन्दा बढि सेल्फ सर्भिस मेसिनहरूमार्फत सेवाग्राहीहरूलाइ सेवा दिदै अाएको छ ।
यो अवार्ड प्राप्त गरेपछि अल मुजैनी एक्सचेन्जका महाप्रवन्धक ह्युज फर्नान्डिजले प्रतिकृया दिंदै अल मुजैनी एक्सचेन्ज कुवेतको नम्बर १ एक्सचेन्ज कम्पनी भएको यो अवार्डले नै प्रमाणित गर्दछ भने । सन १९४२ देखि एक्सचेन्ज सेवा प्रदान गर्दै अाएको अल मुजैनी एक्सचेन्जले सेवाग्राहीलाइ प्रदान गरेको गुणस्तरीय सेवाको प्रतिफल स्वरूप यस प्रकारको सम्मान प्राप्त गर्दै अाएको उनले बताए ।
