- ट्रेण्डिङ :
कुवेत - किरात राई यायोक्खा कुवेतको १७ मार्च शुक्रवारको दिन फाहाहिलस्थित कोहिनोर इन्टरनेशनल होटलमा हुने तेश्रो अधिवेशनको सम्पूर्ण तयारी भएको अध्यक्ष मन्जित राईले जानकारी दिएका छन ।
कुवेतको नेपाली समाजमा सक्रिय रुपमा रहेको जातीय संस्था किरात राई यायोक्खा कुवेत "भाषा धर्म संस्कार र संस्कृतिको संरक्षण, किरात राईहरुको साझा अभियान” भन्ने मुल नाराका साथ सन २०१४ मा स्थापना भएको थियो । यस सस्थाले उल्लेखनीय मानवीय सेवाका कार्यहरु गर्नुको साथै कुवेतमा रहेका संघ-सस्था संग हातेमालो गर्दै आएको छ ।
किरातराई जातिहरुको जातिय संस्था किरात राई यायोक्खा कुवेतले फाहाहिल स्थित कोहिनोर इन्टरनेशनल होटलमा बिभिन्न सांस्कृतिक झाँकी र स्थानिय कलाकारहरुको बेजोड सांगीतिक प्रस्तुतिका साथ अधिवेशन गर्न लागिएको अध्यक्ष मन्जित चाम्लिङ राईले जानकारी दिए ।
कुवेतमा कृयाशिल सम्पूर्ण नेपाली सँघ संस्थाका प्रतिनिधि, पत्रकार, कलाकार, खेलाडी एवं बुद्धिजिविहरुलाई निमन्त्रणा गरि सकिएको जनाएको छ । यदी कुनै कारणवश निमन्त्रणा प्राप्त नभएको भए यसै समाचारलाई आधार मानी अधिवेशन समारोहमा उपस्थित हुनको लागि आयोजकले अनुरोध गरेको छ ।
कार्यक्रमको विवरण
मिती : १७ मार्च २०२३, शुक्रवार
समय : बिहानको ठिक ११ बजे
स्थान: कोहिनोर इन्टरनेशनल होटल
फाहाहिल सनैया, कुवेत
