- ट्रेण्डिङ :
कुवेत - नेपाल आदिवासी जनजाती महासंघ कुवेतले चौथो अधिवेशन आगामी १८ अगष्टमा गर्ने भएको छ ।
नेपाल आदिवासी जनजाती महासंघ कुवेतले २९ औं विश्व आदिवासी दिवसको अवसरमा चौथो अधिवेशनको तय गरेको हो । विश्वका आदिवासी जनजातीहरुलाई एकताबद्ध गरी हक हितको संरक्षण गर्न गराउन हरेक बर्ष '९ अगष्ट' का दिन विश्व आदिवासी दिवस मनाउने गरिन्छ ।
कुवेतमा रहेका जनजातीहरु र कृयाशिल जातिय संस्थाहरुको छाता संस्थाका रुपमा २०१४ मा स्थापित नेपाल आदिवासी जनजाती महासंघ कुवेत शाखाले 'विश्व आदिवासी दिवस' तथा आफ्नो चौथो कार्यकालको निम्ती ऐतिहासिक अधिवेशन सम्पन्न गर्न लागेको हो ।महासंघले अधिवेशनका लागि आफ्नो गृहकार्य सुरु गर्दै बिभिन्न कार्यबिभाजन गरेको छ ।
कुवेतमा कृयाशिल जातीय संस्थाहरुको अभिभावकत्व निर्वाह गर्ने नेपाल आदिवासी जनजाती महासंघ कुवेत शाखामा आबद्ध सस्थाहरु तमू समाज कुबेत , नेपाल तामाङ घेदुङ कुवेत, नेपाल मगर संघ कुबेत, किरात राई यायोक्खा कुबेत, किरात याक्थुङ चुम्लुङ, कुबेत, तमू प्ये ल्हु संघ शाखा कुवेत, सुनुवार सेवा समाज कुबेत र नेवा:गूठी कुवेत छन
कार्यक्रम सम्वन्धी थप जानकारी :
कार्यक्रम: चौथो ऐतिहासिक अधिवेशन तथा २९औं विश्व आदिवासी दिवस
मिति: १८ अगष्ट २०२३ शुक्रबार
समय: बिहान् ठिक ११ बजे
स्थान : केही समय पश्चात तय हुने ।
आयोजक: आदिवासी जनजाति महासंघ कुवेत
