- ट्रेण्डिङ :
कुवेतको साल्मियास्थित समुन्द्रमा पौडी खेल्ने क्रममा डुबेर एक जना नेपालीको ज्यान गएको छ ।
वैदेशिक रोजगारीको सिलसिलामा कुवेत गएका बागलुङका राजन छन्त्यालको गत शनिवार समुन्द्रमा पौडी खेल्ने क्रममा डुबेर ज्यान गएको हो । त्यसैगरी पौडी खेल्ने क्रममा दुई जना नेपाली डुबेर सिकिस्त भएका छन । कुवेत प्रहरीको सहयोगमा अस्पतालमा उपचाररत उनीहरुको परिचय खुल्न सकेको छैन
समुन्द्रमा पौडी खेल्ने क्रममा पानीको छालले तानेर मृतक र अन्य दुई जनालाई निक्कै टाढा पुर्याएको थियो । उनीहरु सङ्गै गएका साथीहरुले उद्दार त गरे तर एक जनाको ज्यान बचाउन सकेनन । अन्य दुईजनाको स्वास्थ्य अवस्था गम्भिर छ । पछिल्लो समय कुवेतमा गर्मी बढे सङ्गै समुन्द्रको तीरमा पौडी खेल्न जाने मानिसको भीडभाड हुन थालेको छ ।
नेपाली दूतावास कुवेतमा राजन छन्त्यालको शवको बारेमा कुवेत प्रहरीले प्रारम्भिक जानकारी गराइसकेको छ । मृतकको शव पठाउन प्रक्रिया समेत अगाडी बढिसकेको दूतावास श्रोतले जानकारी गराएको छ ।
