- ट्रेण्डिङ :
कुवेत - कुवेतमा नेपाली महिलाको पटक पटक चक्कुले घाटी रेटी हत्या गरिएको भनि सामाजिक सजालमा भाइरल भएको भिडियोको अझैसम्म आधिकारिक पुष्टि भएको छैन ।
दुई दिनदेखि सामाजिक संजालमा भाइरल भिडियोले यति बेला कुवेतको नेपाली समाज तातेको छ । सामाजिक संजालमा लिभिङ टुगेदर बस्ने जोडी आपसी मनमुटाव पछि प्रेमीले प्रेमिकालाई पटक पटक चक्कुले रेटि हत्या गरिएको भन्दै क्यापसन राखि भिडियो सेयर गरिएको छ ।
कुवेतको नेपाली समाजमा मात्र नभएर सर्बत्र चासोको बिषय बनेको उक्त भिडियोमा देखिएको दर्दनाक घटना कुवेत मै भएको र कहाली लाग्दो दृश्यमा देखिएको महिला नेपाली चेली नै भएको भन्दै चर्चा भैइरहेको छ ।
सामाजिक संजालमा सार्वजनिक भएको दर्दनाक भाइरल भिडियो क्लिप बारे नेपाली दूतावास कुवेतमा बुझ्दा यो समाचार तयार पार्दासम्म घटनाको आधिकारिक रूपमा पुष्टि भएको छैन ।
नेपाली दूतावासले यस बिषयलाई गम्भीरता पुर्वक लिएको छ । तर घटनाबारे नेपाली नै हो भन्ने कुनै पनि प्रमाणित हुने सूचना पाउन नसकिएको नेपाली दूतावास कुवेतका प्रथम सचिव प्रेमराज गौतमले बनाउनु भएको छ ।
पछिल्लो पटक रोजगारीको केन्द्र बिन्दु बनेको कुवेतमा नेपालीहरु आउने क्रम बढ्दो छ । केहि दिन पहिला समेत एक नेपाली चेलीको हत्या भएको भन्दै सामाजिक संजाल रङ्गिएको थियो । त्यसको पनि अहिलेसम्म दूतावासबाट आधिकारिक रूपमा पुष्टि भएको छैन ।
