- ट्रेण्डिङ :
कुवेत - नेपाली जनसम्पर्क समिति कुवेतका सभापति तथा लोकगायक राजेन्द्र रसाईलीका छोरा अम्बिक रसाईली वैवाहिक बन्धनमा बाँधिएका छन ।
काठमाडौं चन्द्रागिरी घर भई हाल वैदेशिक रोजगारीको सिलसिलामा कुवेतमा लामो समयदेखि कार्यरत रही कुवेतको नेपाली समाजको चिरपरिचित व्यक्ति राजेन्द्र रसाईलीले कुवेतमा हिन्दू परम्पराअनुसार छोरा अम्बिक रसाईलीको अनुश्का विश्वकर्मा संग धूमधामका साथ विवाह गरिदिएका हुन ।
कुवेतस्थित मङ्गाफमा रहेको मेमोरिस हलमा शुक्रवार पञ्चे बाजा सहित सम्पन्न भएको विवाह समारोहमा नेपाली दूतावास कुवेतका राजदूत घनश्याम लम्साल, दूतावास परिवार साथै कुवेतमा कृयाशिल विभिन्न संघ सस्थाका व्यक्ति, पत्रकार लगायत नेपाली तथा गैर नेपाली पाहुनाको उल्लेखनीय उपस्थिति रहेको थियो ।
कुवेत नगरीमा सायदै हिन्दू परम्पराअनुसार पहिलो पटक धूमधामका साथ विवाह सम्पन्न भएको छ । वुवा ,आमा सहित आफन्तको रोहबरमा विवाह सम्पन्न भएको हो । वैदेशिक रोजगारको सिलसिलामा दुलाह दुलही पनि विगत दुई वर्षदेखि कुवेतलाई कर्मथलो बनाउदै आएका छन ।
