- ट्रेण्डिङ :
कुवेत - वैदेशिक रोजगारीका लागि कुवेत गएका कृष्ण तामाङको निधन भएको छ ।
काभ्रेको पनौती नगरपालिका- २, गुर्दुमका कृष्ण तामाङको डिसेम्बर १७ तारिक राति सुतेकै अवस्थामा मृत्यु भएको हो ।
तीन महिनाअघि कुवेत गएका तामाङको राति खाना खाएर सुतेका अवस्थामा भोलिपल्ट बिहान मृत भेटिएका थिए। कृष्ण तामाङको परिवारको आर्थिक अवस्था नाजुक छ। खर्च गरेर शव ल्याउन सक्ने अवस्था छैन ।
डीएचआर नेपाल नामक म्यानपावर कम्पनीबाट कुवेत गएका तामाङले फर्स्ट ग्रुप जनरल ट्रेडिङ कन्स्ट्रक्टिङ कम्पनीमा काम गर्ने गरेको बताइएको छ । नेपाली दूतावास कुवेतका प्रथम सचिब प्रेमराज गौतमका अनुसार कृष्ण तामाङको मृत्यु भएको प्रारम्भिक जानकारी दूतावासमा आईसकेको छ । मृतकको शव नेपाल पठाउने प्रक्रियामा रहेको बताएका छन ।
