शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत- नेपाली दूतावास कुवेतको आयोजनामा इराकको अर्विल र सुलेमानिया क्षेत्रमा राहदानी सेवा शिविर सम्पन्न भएको छ ।
इराकमा रहेका नेपाली नागरिकहरूलाई लक्षित गरि फेब्रुअरी २ देखि ७ तारिखसम्म संचालन गरिएको शिविरमा ५ सय ४८ जना सेवाग्राहीको राहदानी नवीकरण आवेदन संकलन गरेको जनाएको छ ।
इराकमा रहेर समस्यामा रहेका र नेपाल जान चाहने नेपाली नागरिकको लागि एकतर्फी यात्रा अनुमतीपत्र समेत निशुल्क रुपमा जारी गरिएको थियो । शिविर संचालनको लागि गैर आवासीय नेपाली संघ, इराकले समन्वय गरेको थियो । नेपाली राजदूतावास कुवेतका प्रथम सचिव सुजन विडारी र तृतीय सचिव रेवन्त बहादुर के.सी.को सहभागीता रहेको थियो । इराकमा रहेका नेपाली सेवाग्राहीको राहदानी नवीकरणको सहजताको लागि विनोद श्रेष्ठले समन्वय गरेको दूतावासले जनाएको छ ।
इराकमा रहेका नेपाली नागरिकहरुको समस्या कुवेतस्थित नेपाली दूतावासले हेर्दै आएको छ ।
नेपाली नागरिकहरूलाई इराक जान सरकारले प्रतिबन्ध लगाए पनि अवैध बाटो भएर इराक पुग्ने गरेका छन ।
