- ट्रेण्डिङ :
खोटाङ-कुवेत सम्पर्क मञ्चको छैठौं अधिवेशन नेपाल बाट अतिथि कलाकार गायक तथा संगीतकार अनिल कोयी राईको साथमा २४ मे २०२४ मा सम्पन्न भएको छ । मञ्चको नेतृत्वमा बिष्णु प्रसाद भट्टराई सर्वसम्मत चयन भएका छन ।
कुवेतको नेपाली समाजमा सन् २०११ मा 'भाषा अनि संस्कृतिमा विविधता, विकाश निर्माणमा हाम्रो एकेबद्धता' भन्ने मुल नाराका साथ स्थापना भएको मन्चले खैतानस्थित राजधानी होटलमा नेपालबाट अतिथि कलाकार ल्याई छैठौं अधिवेशन सम्पन्न गरेको हो ।
प्रेम कटुवालको सभापतित्वमा भएको सो कार्यक्रमको प्रमुख अतिथि नेपाली राजदूतावास कुबेतका प्रथम सचिव सुजन विडारी, विशिष्ट अथितिमा NRAN कुवेतका अध्यक्ष रणध्वज लामा, नेपाल पत्रकार महासंघ कुवेतका सचिव हरि बानियाँ, आदिवासी जनजाती महासंघ कुवेतका अध्यक्ष अमृत तमाङ रहेका थिए।
प्रमुख अतिथि र सभापतिले सयुक्तरूपमा दिप प्रज्वलन गरी कार्यक्रमको विधिवत् उद्घाटन गरेका थिए ।
कार्यक्रममा बिभिन्न मनोरञ्जनात्मक एकल तथा सामूहिक नृत्य प्रस्तुत गरिएको थियो भने कार्यक्रममा नेपालबाट आएका अतिथि कलाकार नेपाली सांगीतिक जगतमा आफ्नो छुट्टै पहिचान बनाउन सफल गायक तथा संगीतकार (अनिल कोयी राई)ले आफ्नो नयाँ पुराना गीतहरु गायर उपस्थित सबैलाई भरपूर मनोरञ्जन दिएका थिए ।
