- ट्रेण्डिङ :
कुवेतको मनारा मलमा रहेको सिटी हाइपरमार्केटले कुवेतमा रहेका विभिन्न देशका दूतावासहरू, ट्राभल एजेन्सीहरू र एयरलाइन्सहरूको उपस्थितिमा पर्यटन प्रदर्शनी कार्यक्रम २८ जुन २०२४ का दिन आयोजना गर्ने भएको छ । सो प्रदर्शनीले स्थानीय तथा विदेशी नागरिहरुलाई यात्राको लागि गन्तव्य पत्ता लगाउन, प्याकेज टुरहरू, भिसा आवेदन प्रक्रियाहरू र गर्मी बिदाका लागि एयरलाइन दरहरू बारे जानकारी गराउने आशा राखेको छ । कार्यक्रम २८ जुन २०२४ मा दिनको ११ बजे देखि साँझ ५ बजेसम्म हुनेछ ।
कार्यक्रमले प्रदर्शनीका सहभागीहरूलाई आफ्ना सेवाहरू सार्वजनिक गर्नका लागि प्लेटफर्म प्रदान गर्ने आशा राखेको छ । बाह्र एयरलाइन्स र ट्राभल एजेन्सीहरू सहित बाह्र दूतावासहरू प्रदर्शक टोली समावेश हुनेछन् । दूतावासहरूलाई सांस्कृतिक प्रस्तुतिहरू प्रदर्शन गर्न, पर्यटक भिडियोहरू मार्फत आफ्नो देश का लोकप्रिय गन्तव्यहरूको जानकारी प्रदान गर्न र भिसा प्रकृया सम्बन्धी जानकारी दिन अनुरोध गरिएको छ । उक्त कार्यक्रममा ट्राभल एजेन्सीहरूलाई सहभागी हुन आमन्त्रित गरिनेछ र नवीनतम टुर प्याकेजहरू उपलब्ध गराइनेछ र तिनीहरूका कम्पनीहरूले प्रस्ताव गरेका गन्तव्यहरूको सुझाव दिइने छ ।
सिटी हाइपरमार्केटका मार्केटिङ प्रमुख नेरमिन बिशासीले भने 'मनारा मल पर्यटन प्रदर्शनीमा सहभागीहरूका लागि एक उत्कृष्ट स्थान हो यद्यपि यसका अधिकांश पसलहरू मिश्रित छन् तर मुख्यतया स्थानीय र अरबीहरू छन् "यस प्रदर्शनीले मञ्च प्रदान गर्ने आशा गर्दछ। प्रदर्शकहरूलाई गर्मी बिदाको लागि समयमै आफ्नो ब्रान्ड र सेवाहरू प्रस्तुत गर्न र प्रवर्द्धन गर्न सहयोग पुग्नेछ' । सिनियर रिम एल्घल्बान मार्केटिङ एक्जिक्युटिभले थपे 'सार्वजनिक रूपमा प्रभावकारी प्रचार गर्न सहयोग गर्न सामाजिक व्यक्तित्व र मिडियाहरूलाई कार्यक्रममा आमन्त्रित गरिनेछ । बेरी ब्लास्ट क्याफे एण्ड रेष्टुरेन्टले नि:शुल्क स्वाद र उत्पादनको बिक्रीका लागि स्वादिष्ट परिकार उपलब्ध गराउने छ' । कार्यक्रमलाई द टाइम्स कुवेत र निरेम प्रोडक्सनद्वारा सपोर्ट गरिएको छ ।
इच्छुक सहभागीहरूका लागि, यस फोन नम्बरमा 55650296 सम्पर्क वा शुवाइखको मनारा मलमा जान सक्नेछन ।
