शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत - कुवेतमा घरेलु कामदार भिसा-२० जुलाई १४ बाट निजी क्षेत्र (भिसा १८) मा (ट्रान्सफर) स्थानान्तरण हुने भएको छ । घरेलु कामदार भिसालाई निजी क्षेत्रमा स्थानान्तरणका लागि ५० दिनार शुल्क तोकिएको छ ।
कुवेतका प्रथम उपप्रधानमन्त्री , रक्षा तथा आन्तरिक मन्त्री शेख फहाद अल-युसुफ अल-सबाहले घरेलु कामदार (भिसा २०) लाई निजी क्षेत्र (भिसा १८) मा स्थानान्तरण गर्ने निर्णय जारी गरेका हुन । यो निर्णय १४ जुलाईदेखि १२ सेप्टेम्बर २०२४ सम्म लागू हुनेछ ।
घरेलु कामदारहरूले निम्न सर्तहरूमा निजी क्षेत्रमा स्थानान्तरण गर्न पाउने छन ।
१.हालको रोजगारदाताबाट स्वीकृत हुनुपर्ने छ ।
२.घरेलु कामदारले हालको रोजगारदातासँग कम्तिमा एक वर्ष काम गरेको हुनु पर्छ ।
३.भिसा स्थानान्तरणको लागि ५० दिनारको शुल्क लागू हुनेछ साथै प्रत्येक वर्ष सेवाको लागि १० दिनार अतिरिक्त शुल्क लाग्नेछ ।
