शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत - प्रवासी नेपाली मञ्च कुवेतको पहलमा बैदेशिक रोजगारीको सिलसिलामा कुवेतमा ज्यान गुमाएकी कल्पना भुजेलको शव स्वदेश ल्याईने भएको छ ।
प्रवासी नेपाली मञ्च, अन्तर्राष्ट्रिय कमिटी श्रमिक राहत कोषवाट शव पठाउन लाग्ने रकम ३ सय ८५ कुवेती दिनार (नेपाली रुपैया करिब एक लाख अरसठ्ठी हजार) कुवेतस्थित नेपाली दूतावासलाई उपलव्ध गराएको अध्यक्ष रुपेन हमाल ठकुरीले जानकारी दिएका छन ।
झापाको शिवसतासी नगरपालिका - २ स्थायी घर भएकी भुजेलको गत जुलाई १५ तारिक उपचारको क्रममा कुवेतको मुबारक अल कबिर अस्पतालमा मृत्यु भएको थियो । मृतक भुजेल अबैधानिक रहेको कारण कानूनी प्रक्रिया पूरा गरी शव नेपाल पठाउन समस्या भएपनि मञ्च र दूतावासको पहलमा आज नेपाल पठाउने टुंगो भएको अध्यक्ष हमालले जानकारी दिएका छन ।
अवैधानिक रुपमा रहेर मृत्यु भएका कारण कानूनी प्रकृया पूरा नगरी शव स्वदेश पठाउन समस्या हुने भएका मन्चले सो रकम उपलब्ध गराएको हो ।
कुवेतस्थित नेपाली दूतावासका सूचना अधिकारी प्रेमराज गौतमले दिएको जानकारी अनुसार मृतक भुजेलको शव आज नेपाल पठाउने गरी सम्पूर्ण प्रकृया पूरा भएको छ ।
