- ट्रेण्डिङ :
धेरै मानिसहरू अन्डरआर्म्स कालो हुने समस्याबाट जुझिरहेका हुन्छन् । जाडो मौसममा यसलाई न्यानो कपडाले छोप्ने गर्छ तर विवाह वा कुनै पनि पार्टीमा कट बाहुला भएका पहिरन लगाउने योजना बनाउनुभयो भने सबै रमाइलो खेर जान्छ ।
यस्तो अवस्थामा, यदि तपाईँलाई पनि अन्डरआर्म्स कालो हुने समस्या छ भने, यहाँ उल्लेख गरिएको सरल घरेलु उपाय अपनाउन सक्नुहुन्छ र आफ्नो छालालाई चम्किलो र नरम बनाउन सक्नुहुन्छ ।
तपाईँले केही मिनेटमा यसको प्रभाव देख्नुहुनेछ। यो प्रभावकारी उपाय कसरी बनाउने र प्रयोग गर्ने जान्नुहोस्।
सामाग्री :
एक चम्चा टुथपेस्ट,
एक चम्चा चामलको पिठो,
आधा चम्चा बेकिङ सोडा,
एक चम्चा दही
एक चम्चा ताजा टमाटरको रस।
बनाउने विधि:
सबैभन्दा पहिले एउटा कचौरामा एक चम्चा टुथपेस्ट, एक चम्चा चामलको पिठो, आधा चम्चा बेकिङ सोडा, एक चम्चा दही र एक चम्चा ताजा टमाटरको रस मिसाउनुहोस्। अब यी सबै सामग्रीहरू राम्ररी मिलाउनुहोस् र बाक्लो पेस्ट तयार गर्नुहोस्।
यस पेस्टलाई आफ्नो अन्डरआर्म्समा लगाउनुहोस् र केही बेर बिस्तारै मसाज गर्नुहोस्। यसलाई करिब ५ मिनेटसम्म राख्नुहोस् र त्यसपछि भिजेको कपडाले बिस्तारै रगडेर सफा गर्नुहोस्।
यो घरेलु उपायले कालो दाग हटाउने मात्र होइन छालालाई नरम र चम्किलो बनाउँछ। टुथपेस्ट र बेकिङ सोडाले दाग हटाउँछ भने चामलको पिठोले छालालाई एक्सफोलिएट गर्छ र फोहोर हटाउँछ। दही र टमाटरको रसले छालालाई चम्किलो बनाउँछ।
यदि तपाईँले यो घरेलु उपाय नियमित रूपमा प्रयोग गर्नुभयो भने,अन्डरआर्म्सको कालोपना सजिलै हट्नेछ र एक हप्ता भित्र फरक देखिनेछ। यद्यपि, यदि छालामा जलन वा एलर्जी छ भने प्रयोग नगर्नुहोस्।
