- ट्रेण्डिङ :
कुवेत - प्रवासी नेपाली मंन्च कुवेतको पहलमा ३ महिना देखि रोकिएको मृतक नेमा तामाङको शव नेपाल पठाईएको छ ।
मकवानपुर स्थायी बसोवास भएका मृतक नेमा तामाङ वैदेशिक रोगजारीको सिलसिलामा १७ बर्ष पहिले कुवेत आएका थिए । ४७ वर्षीय नेमा पछिल्लो समय अबैधानिक रुपमा लुकीछिपी कुवेतमा बस्दै आएका थिए । मृतक नेमा तामाङको स्वास्थ्य अवस्थामा खराबी देखिए पश्चात करिब ३ महिना पहिले अस्पताल भर्ना भएका थिए । तर उनको स्वास्थ्य स्थिति जटिल भएपछि अन्ततः मृत्यु भएको थियो ।
उनको मृत्यु भए पश्चात शव अस्पतालमै रहेको थियो । नेपाल पठाउन लाग्ने रकम सहयोगको लागी दूतावासको अनुरोधमा प्रवासी नेपाली मंन्च कुवेतले शव पठाउन लाग्ने रकम ३८५ केडि (नेपाली रुपैया - लगभग एक लाख सत्तरि हजार ) सहयोग गरेको हो । उक्त रकम प्रवासी नेपाली मंन्च अन्तर्राष्ट्रिय कमिटि श्रमिक राहत कोष मार्फत सहयोग गरिएको हो ।
-मृतकको नाम नेमा तामाङ हुनु पर्नेमा लातेमान भएकोमा सच्याईएको छ ।
