- ट्रेण्डिङ :
कुवेत - नेपाल आदिवासी जनजाति महासंघ कुवेतको पाँचौँ अधिवेशन १५ अगष्ट २०२५ मा हुने भएको छ ।
विश्वभरि आदिवासी समुदायहरूको पहिचान, अधिकार र संस्कृतिको संरक्षण र प्रवर्द्धनको उद्देश्यले मनाइने ३१ औं विश्व आदिवासी दिवसको अवसरमा नेपाल आदिवासी जनजाति महासंघ कुवेतको पाँचौँ अधिवेशन राजधानी प्यालेस होटल, खैतानमा हुने भएको हो । उक्त कार्यक्रम दिनको १ बजेबाट सुरु हुने आयोजकले बताएको छ ।
“संस्कृति र परम्परामा गर्व गरौं, आदिवासी समुदायको संरक्षण गरौं” भन्ने नारासहित सन २०१४ मा कुवेत नगरीमा नेपाल आदिवासी जनजाति महासंघ कुवेतको स्थापना भएको थियो । कार्यक्रममा आदिवासी समुदायको भाषा, भेषभूषा, कला र पहिचान झल्काउने सांस्कृतिक प्रस्तुति, विविध गतिविधिहरू, तथा अधिवेशन सत्र सञ्चालन गरिने छ भने सोही अवसरमा नयाँ नेतृत्व चयन गर्दै महासंघको आगामी कार्यकालको दिशानिर्देशन तय गरिनेछ। साथै आयोजकले उक्त दिन अन्य संघ-संस्थाहरूलाई कार्यक्रम नजुधाइ दिन अपिल गर्दै सबैमा सक्रिय सहभागिताको आह्वान गरेको छ ।
