शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेत - कुवेतमा युवा शक्तिको अधिवेशन हुने भएको छ । कुवेतस्थित शेफ सिक्नेचर रेस्टुरेन्ट फर्वानियाको सभा हलमा आगामी १४ नोभेम्बर शुक्रवार दिनको ११ बजेदेखि अधिवेशन हुने आयोजकले बताएको छ ।
कुवेतको नेपाली समाजमा 'सके राम्रो गरौँ नसके नराम्रो नगरौं ' भन्ने नाराको साथ गठन भएको युवा शक्ति कुवेतले प्रवासमा कार्यरत नेपाली युवाहरूको प्रतिनिधित्व गर्ने उदेश्यले अधिवेशन हुन लागेको बताएको छ । प्रवासी नेपाली युवाहरूको नेतृत्व विकास, सामाजिक उत्तरदायित्व र एकताको सन्देश प्रवाह गर्ने आयोजकले जनाएको छ ।
युवा शक्ति कुवेतले रक्तदान जस्तो पुण्यको कार्य पनि गरिसकेको छ। अब हुने अधिवेशनबाट संगठनात्मक कार्यशैलीलाई थप सुदृढ गर्दै भावी योजनाहरूलाई स्पष्ट दिशा तर्फ लैजाने बताएको छ । अधिवेशनमा नयाँ कार्यसमिति चयन, संगठनात्मक प्रतिवेदन प्रस्तुत, सांस्कृतिक कार्यक्रम, तथा युवासम्बन्धी विभिन्न विषयमा छलफल हुने साथै विविध सांस्कृतिक प्रस्तुतिहरू समेत रहने आयोजकले बताएको छ ।
