- ट्रेण्डिङ :
कुवेत – यात्री समाज कुवेतको पहिलो अधिवेशन आगामी ९ डिसेम्बर २०२५ मा हुने भएको छ ।
खैतानस्थित राजधानी रेस्टुरेन्टको सभा हलमा पहिलो अधिवेशन हुने भएको हो । अधिवेशनमा समाजले प्रवासमा गरिरहेका सामाजिक गतिविधिहरू, देउसी भैलोबाट संकलित रकममार्फत स्वदेशमा पुगेको सहयोग र पछिल्लो समय नयाँ युवाहरूको सक्रिय सहभागिताबारे विस्तृत चर्चा गर्ने जनाएको छ ।
संस्थाका पदाधिकारीका अनुसार 'प्रवासमै बसेर पनि आफ्नो संस्कृति जोगाउने र स्वदेशका सामुदायिक काममा हातेमालो गर्ने अभियानलाई यस अधिवेशनले अझ व्यवस्थित बनाउने लक्ष्य छ' । समाजले हरेक वर्ष देउसी भैलो कार्यक्रम गर्दै आएको छ । यस वर्ष पनि देउसी भैलो प्रभावकारी बनेको छ । सोही कार्यक्रमबाट संकलित सहयोग कसरी उपयोग भएको छ भन्ने प्रतिवेदन पनि अधिवेशनमा सार्वजनिक गरिने तयारी रहेको जनाएको छ ।
आगामी योजनासहित संगठनको संरचनालाई थप सुदृढ बनाउने विषयमाथि समेत अधिवेशनले निर्णय गर्नेछ । आयोजक समितिले सबै सदस्य, समर्थक र शुभेच्छुकलाई तोकिएको मिति र समयमा उपस्थित भएर अधिवेशनलाई सफल बनाउन आग्रह गरेको छ ।
