- ट्रेण्डिङ :
कुवेत- कुवेतस्थित नेपाली राजदूतावासले मेट्रो मेडिकल ग्रुपको सहयोगमा निःशुल्क स्वास्थ्य शिविर आयोजना गर्ने भएको छ ।
कुवेतमा रहेका नेपालीहरूको लागि १२ डिसेम्बर २०२५ शुक्रवारका दिन साल्मिया ब्ल्क ३ मा रहेको मेट्रो मेडिकलमा बिहान ७ बजे देखि दिउँसो २ बजेसम्म निःशुल्क स्वास्थ्य शिविर आयोजना गर्न लागिएको दूतावसले जनाएको छ ।
उक्त शिविरमा स्वास्थ्य परिक्षण गराउन QR Code लाई Scan गरेर आफ्नो नाम र विवरण अनिवार्य रुपमा दर्ता गराउनु पर्ने छ । शिविरमा सुगर, कोलेस्ट्रोल, उच्च रक्तचाप, दृष्टि र श्रवण परीक्षण गर्नुको साथै विशेषज्ञद्वारा परामर्श लगायको सेवा उपलब्ध हुने छ । उक्त शिविरमा ७५० जनाले मात्र सेवा लिन सक्ने छन ।
यसअघि केही महिना पहिले पनि नेपाली दूतावास कुवेतको पहलमा मेट्रो मेडिकल ग्रुपको सहयोगमा आयोजित निःशुल्क स्वास्थ्य शिविरमा ३५० भन्दा बढी नेपालीहरु लाभान्वित भएका थिए ।
