शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
झापा - क्यान्सर रोगबाट पीडित प्रेम कुमारी लिम्बुको उपचारका लागि झापाली समाज कुवेतले रु. ३०,००० आर्थिक सहयोग प्रदान गरेको छ ।
हल्दिबारी गाउँपालिका-४ निवासी लिम्बु हाल बि.पि. कोइराला मेमोरियल क्यान्सर अस्पताल, भरतपुरमा उपचार गराइरहेकी छिन । तर उनका परिवारको आर्थिक अवस्था कमजोर भएकाले उपचारमा समस्या भइरहेको छ ।
हल्दिबारी गाउँपालिका वडा कार्यालयले लिम्बुको उपचारका लागि सहयोगको अपील गर्दै सिफारिस पत्र जारी गरेको थियो । उक्त सहयोग कार्यक्रमको सञ्चालन स्थानीय समाजसेवी युवा अनिल चौहानले गरेका थिए । कार्यक्रममा झापाली समाज कुवेतका प्रतिनिधिहरू सन्तकुमार अधिकारी, धर्मनन्द अधिकारी, छविमाया पौडेल र समाजका कोषाध्यक्ष गोविन्द कार्की र सहकोषाध्यक्ष मनिष भट्टराईको उपस्थित रहेको थिए ।
गाउँपालिका अध्यक्ष रविन्द्र लिङ्देन, उपाध्यक्ष लक्ष्मी देवी मैनाली र वडा न ४ का अध्यक्ष सन्त कुमार थापा लगायत स्थानीय संचारकर्मी देबिका अधिकारीको रोहवरमा उक्त रकम हस्तान्तरण गरिएको थियो । आर्थिक सहयोगले पीडित परिवारलाई हौसला र उपचारमा सकारात्मक योगदान पुर्याउने विश्वास गरिएको छ ।
