शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कुवेतस्थित नेपाली दूतावासले हाल मध्यपूर्वमा विकसित विशेष परिस्थितिलाई मध्यनजर गर्दै नेपाली नागरिकहरुलाई महत्वपूर्ण जानकारी दिएको छ ।
दूतावासले कुवेतका आधिकारिक निकाय द्वारा सम्प्रेषण हुने निर्देशन, समाचार, सूचनाको पालना गर्न र सामाजिक संजालमा अफवाह नफैलाउन साथै हवाई उडान बारे सूचनाका लागि सजग रहन आग्रह गरेको छ । कुवेतको हवाईक्षेत्र खुलेपछि मात्र नियमित उडान पुनः शुरु हुने भएकाले, यात्रुहरूले Directorate General of Civil Aviation को वेबसाइट हेर्न र आफ्नो वायुसेवा प्रदायकसँग सम्पर्क गर्न सुझाव दिइएको छ।
कुवेत सरकारले कुवेतमा रहेका भिजिट भिषावाहक सबैको भिषा एक महिनाको लागि थप गरेको छ । कुवेतबाहिर रहनुहुने कुवेतको Civil ID वाहकहरूको हकमा विगतको कम्पनीमा कामगर्नेहरूको हकमा ६ महिना र घरेलु कामदारहरूको हकमा ४ महिना भन्दा बढी कुवेत बाहिर बस्दा Civil ID रद्द हुने व्यवस्थालाई परिमार्जन गर्दै हालको अवस्थामा उल्लिखित अवधिमा ३ महिनाको अवधि थप गरेको छ । यसरी थप गरेको अवधि २०२६ फेब्रुअरी २८ देखि लागु भएको हो । यस वाहेक अन्य सबै भिषा वाहक (Civil ID expire, Visa cancellation/Article 1 र 14) हरूको हकमा आफ्नो भिषाको अवधि समाप्त हुनु अघि आफ्नो रोजगारदातासँग सम्पर्क गरी भिषाको अवधि नवीकरण गर्न आग्रह गरिएको छ ।
नेपाली दूतावासको कन्सुलर सेवा आइतबारदेखि बिहीबारसम्म बिहान ९ बजेदेखि दिउँसो १ बजेसम्म खुला रहने जानकारी दिइएको छ । कुवेतमा रहनु भएका नेपाली दिदीबहिनी र दाजुभाइहरूलाई सुरक्षाका लागि सजग रहन र आवश्यक परेमा दूतावाससँग सम्पर्क गर्न आह्वान गरिएको छ । सम्पर्कका लागि नेपाली दूतावासको नम्बर +९६५-६१००८९५६ र हवाई उडानको लागि कुवेत एयरवेज र जजिरा एयरवेजमा सम्पर्क गर्न अनुरोध गरिएको छ । कुवेत एयरवेज १७१ (स्थानीय कल मात्र), ९६५-२४४३५५५५ ext १७१ (अन्तर्राष्ट्रिय कलहरू मात्र), WhatsApp +९६५-१८०२०५०
जजिरा एयरवेज १७७ (स्थानीय कल मात्र), ९६५-२२०५४९४४
