शनिवार, कार्तिक २२ गते २०८३
कुवेत - खोटाङ कुवेत सम्पर्क मञ्चले संस्थाका उपाध्यक्ष परशुराम घिमिरेका बुवाको स्वास्थ्य उपचारका लागि रु. ९७ हजार ५०४ आर्थिक सहयोग प्रदान गरेको छ।
मञ्चले गत १६ अक्टोबर २०२६ मा उक्त रकम उपचार सहयोगस्वरूप परिवारलाई उपलब्ध गराएको जनाएको छ। विदेशमा रहेका नेपालीहरूको सामाजिक तथा परिवारपक्षका समस्यामा पनि संस्थागत रूपमा भूमिका खेल्ने उद्देश्यका साथ सञ्चालित यस मञ्चले सदस्यका परिवारको आपत्कालीन अवस्थामा सहयोग गर्ने काम गर्दै आएको छ।
सहयोग उपलब्ध गराइए पनि दुर्भाग्यवश उपचारकै क्रममा घिमिरेका बुवाको निधन भएको छ। मञ्चले दिवंगत आत्माको चिरशान्तिको कामना गर्दै शोकसन्तप्त परिवारप्रति हार्दिक समवेदना व्यक्त गरेको छ।
