ओमान / ओमनमा भिसा सकिएका, आवासीय अनुमति पत्रको म्याद गुज्रिएकाहरुलाई ओमन छाड्न चाहने प्रवासी कामदारले कुनै पनि किसिमको जरिवाना वा शुल्क तिर्नु नपर्ने भएको छ ।
ओमन सरकारको श्रम मन्त्रालयले विदेशी कामदारले ओमन छाड्न चाहेको अवस्थामा विदेशीलाई काममा लगाउने ओमनका रोजगारदाता तथा प्रवासी कामदारले ओमनमा गैर ओमनी कामदारलाई काममा लगाउन अनुमति दिएवापत लाग्ने सबै किसिमका शुल्क र जरिवानाबाट छुट पाउने घोषणा गरेको दूतावास द्वारा जारी गरिएको सूचनामा उल्लेख छ ।
मन्त्रालयले अनलाइन जारी गरेको एक वक्तव्यमा ओमन छाड्न चाहने विदेशी जनशक्तिलाई देश छाड्न दिइने र कामदार तथा रोजगारदाताले तिर्नुपर्ने सबै किसिमका शुल्क र जरिवानाबाट छुट पाउने जनाएको छ । यो सुविधाको लागि विदेशी कामदारले १५ नोभेम्बरदेखि डिसेम्बरको अन्त्यसम्ममा ओमन छाड्नुपर्नेछ ।
नेपाली दूतावास ओमानले आवश्यक पर्ने कागजात बनाउनु परेमा श्रम सहचारी दिनेश ढकाललाई ७१५९२५०६ मा सम्पर्क गर्न अनुरोध गरेको छ।
