- ट्रेण्डिङ :
ओमान / ओमानमा रहेका थप १४७ जना नेपाली बिहीबार स्वदेश फर्किएका छन् । ३७ जना महिलासहित १४७ जना नेपाली नेपाल फर्किएको ओमानस्थित नेपाली दूतावासले जनाएको छ ।
कोभिड-१९ का कारण विभिन्न समस्यामा परेका नेपालीको उद्धारका लागि ओमानबाट यो दोस्रोपटक उडान भरिएको हो ।
यसअघि असार १ गते १६६ जना नेपाली स्वदेश फर्किएका थिए । स्वदेश फर्किएकाहरुले सरकारले तोकेको भाडादरभन्दा सस्तोमा फकाईएको हो ।
उनीहरुलाई १५५ ओमानी रियाल (३६ हजार ४२३ रुपैयाँ ) तोकिएको छ । राजदूत शर्मिला पराजुली ढकालले स्वदेश फर्कनेहरुलाई विमानस्थलमै पुगेर विदाई गरेकी हुन् ।
