- ट्रेण्डिङ :
संसद विघटनविरुद्धको रिट हेरिरहेको संवैधानिक इजलासमा प्रधानमन्त्रीको अभिव्यक्तिको चर्चा भएको छ । संवैधानिक इजलासको आजको बहसमा वरिष्ठ अधिवक्त कृष्णप्रसाद भण्डारीले आफूमाथि प्रधानमन्त्री केपी शर्मा ओलीको टिप्पणीको विषयमा प्रश्न उठाएका हुन् ।
बहसका क्रममा भण्डारीले के मैले तमासा देखाइरहेको छु, म तमासे हो श्रीमान् भन्दै इजलाससमक्ष प्रश्न गरेका थिए । जवाफमा प्रधानन्यायाधीश चोलेन्द्र शम्शेर जबराले अहिले यो विषयमा प्रवेश नगरौँ भन्दै रोकेका थिए ।
यसअघि गत शुक्रबारको एउटा कार्यक्रममा प्रधानमन्त्री ओलीले संसद विघटनको विरुद्धमा सुनुवाइ गर्न बाजे वकिललाई लगेर तमासा देखाएको भन्दै टिप्पणी गरेका थिए ।
