- ट्रेण्डिङ :
कुवेत सरकारले आगामी आइतबार देखि दुई हप्ताको लागि आप्रवासी कामदारलाई कुवेत प्रवेशमा रोक लगाउने निर्णय गरेको छ । त्यसैगरी, आगामी आइतबार देखि एक हप्ताको लागि फेरी पनि सलुन र स्पोर्ट्स क्लब पुर्ण रुपमा बन्द गर्ने भएको छ । कुवेतमा कोरोना भाइरस पुनः बढ्नाले यो निणर्य गरिएको हो ।
आगामी आइतबार देखि शपिङ मल र रेस्टुरेन्ट साँझ ८ बजेदेखी बिहान ५ बने सम्मका लागि बन्द गर्ने साथै रेस्टुरेन्टहरुलाई होम डेलिभरी गर्न भने दिइने निणर्य गरिएको अल कबास डेली पत्रिकालाई उधृत गर्दै अरब टाइम्स कुवेतले समाचार प्रकाशित गरेको छ ।
सामाजिक दुरि कायम गर्दै अनिवार्य मास्क लगाउने र कुनै पनि ठाउँमा जमघट नगर्न पनि निर्देशन दिइएको छ । त्यसैगरी फार्मेसी, सुपरमार्केट र खाद्यान्न सप्लायर भने निरन्तर चलिरहने छ ।
कुवेत सरकारले यो वर्ष पनि कोरोनाका कारण फेब्रुअरी २५ र २६ को राष्ट्रिय दिवस र लिबेरेशन दिवस नमनाउने सूचना जारी गरेको छ ।
