- ट्रेण्डिङ :
मयूरपाटी - कुवेतमा पोखराका प्रेम गुरुङको मृत्यु भएको छ । रोजगारीको सिलसिलामा कुवेत पुगेका प्रेम गुरुङको १४ जुलाई २०२० मा मृत्यु भएको हो ।
कुवेतको अल मिश्रीफ कार वास कम्पनीमा सवारी चालकका रुपमा गुरुङ कार्यरत थिए । ड्युटीको लागि करिब ८ बजे बिहान कार्यस्थल पुगेका गुरुङ बिहानको खाजा खाए पछि बसेकै कुर्सीबाट एक्कासि ढलेको बताइएको छ । गुरुङलाई तुरुन्तै एम्बुलेन्समा अस्पताल पुर्याइएको थियो तर अस्पतालले उनको मृत्यु भैसकेको जनाएको थियो । गुरुङ केही समय देखि उच्च रक्तचापको बिरामी भएको संगै काम गर्ने उनका साथीले बताएका छन ।
कुवेतमा बिगत १६ वर्ष देखि काम गर्दै आएका गुरुङको घरमा श्रीमती र एक जना छोरा छन् । नेपाली दूताबास कुवेतले प्रेम गुरुङको मृत्युको जानकारी आईसकेको जनाएको छ । तर के कारणले मृत्यु भएको हो भन्ने विवरण भने आउन बाकी रहेको जनाएको छ । मृतकको परिवार संग समन्वय गरेर कानुनी प्रकृयाका कामहरु अगाडि बढाउन शुरु गरी सकेको बताएको छ ।
