शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
आश तमु पोखरा - कतारमा रहेका म्याग्देलीहरुको साझा संस्था म्याग्दी प्रवासी नेपाली संघ(मोना) कतारको अध्यक्षमा नरेन्द्र फगानी चयन भएका छन् । संस्थाका अध्यक्ष पश्चिम म्याग्दीको मालिका गाउँपालिका वडा नं ५ देविस्थान घर भई लामो समयसम्म कतारमा कार्यरत छन् ।
शुक्रवार सम्पन्न मोना कतारको १० औं साधारणसभा तथा १८ औं बार्षिकत्सवबाट फगामीको अध्यक्षतामा बरिष्ठ उपाध्यक्षमा राजु पौडेल, प्रथम उपाध्यक्ष बाबुराम भण्डारी, द्धितिय उपाध्यक्ष गम ब सेन्चुरी, महासचिव अजय कुवँर, सचिव रामकृष्ण शर्मा, कोषाध्यक्ष हेमबहादुर बानियाँ रहेका छन् ।
त्यस्तै समितिको बरिष्ठ सदस्यमा तुलप्रसाद शर्मा, नर बहादुर मल्ल, गंगाधर कँडेल, सुमन घर्ती,दर्शन केसी नरेन्द्र कुमार दर्जी, रिपार्ट खत्री र गंगा बस्नेतलाई चयन गरिएको मोना कतार निर्वाचन समितिले जनाएको छ|
यस्तै अधिबेशनले प्रमुख सल्लाहकारमा निर्वतमान अध्यक्ष तिलु शर्मा पौडेल, सल्लाहकारहरुमा मिन बहादुर कार्की,लिला बहादुर चोखाल, शिब चोखाल, थम कुमार गिरी, टिका कार्की र देबी कँडेल, संस्थापक संरक्षकमा प्रेम रसाईली, संरक्षकमा बिक्रम कार्की, रमेश पौडेल र रेशम शाहीलाई चयन गरेको छ।
नवनिर्वाचत अध्यक्ष फगामीले पुराना अभियानलाई निरन्तरता र आवश्यकता अनुसार थप नयाँ कार्यक्रमहरु ल्याउने प्रतिबदता जनाएका छन ।
