- ट्रेण्डिङ :
कुवेत, रोजगारीको सिलसिलामा कुवेत गएका दुई जना नेपाली श्रमिकको मृत्यु भएको छ । तेरथुमका खम्बासिंह गुरुङ र नवलपरासीका तारा बहादुर सुनारको मृत्यु भएको हो ।
खम्बासिंह गुरुङको कुवेत सुयोख स्थित अल सभा टिवि अस्पतालमा उपचारकै क्रममा सोमबारनिधन भएको हो । उनको लागि एनआरएनए कुवेतले उपचारको लागि पहल शुरु गरेको थियो । चारवर्ष पहिले नास कम्पनिमा गएका खम्बासिंह मेडिकल अनफिट भए पछि कम्पनि छोडेर लुकीछिपी अबैधानिक रुपमा बस्दै आएका थिए ।
त्यसैगरी नवलपरासीका तारा बहादुर सुनारको हृदयघातको कारण शनिबार निधन भएको हो । उनले नेपालबाट श्रम गरेर कुवेत आएको भए पनि कुन कम्पनीमा कार्यरत थिए भन्ने खुल्न सकेको छैन ।
नेपाली दूतावास कुवेतमा दुबै जनाको निधन बारे जानकारी प्राप्त भएको दूतावासले जनाएको छ ।उनीहरुको शव नेपाल पठाउन आवश्यक प्रक्रिया शुरु गरि सकेको छ । तर कोरोना भाइरसका कारण नेपालको हवाई उडान बन्द भएकोले हवाई उडान खुल्न साथ उनीहरुको शव नेपाल पठाउने दूतावासले जनाएको छ ।
