- ट्रेण्डिङ :
साथी तिमी सम्झिने जिबनको तार बनेर आउ
मानसपटलमा दामी उपहार बनेर आउ
कुदृष्टी लगाउने जो कसैको अघिल्तिर पनि
तिमि लाचार होइन जब्बर बार बनेर आउ
यो चोला प्रकृतिले दिएको अनमोल उपहार हो
ढिलासुस्ती नगरी जिबनको सार बनेर आउ
राम्रोसँग सुन भन्नेको मुख छेक्न को सक्छ र?
झुक्नु परोस् ती जालीलाई दमदार बनेर आउ
मनमा कुनै ईर्ष्या भाव नराख्नु कहिल्यै तिमिले
हृदयको गहिराइमा हीराको हार बनेर आउ
सफाइ दिइराख्नु पर्दैन,मैले तिमीलाई चिन्दैछु
भो भो बिश्वास अब गर्दैन,मैले तिमीलाई चिन्दैछु
औँसीको रात जस्तै अँध्यारो मन लिएर जलेपछि
मैन बत्तीले उज्यालो छर्दैन,मैले तिमिलाई चिन्दैछु
अन्तर हृदयको आवाज भित्रभित्रै गुम्साएपछि
जे भने पनि बिचार मर्दैन,मैले तिमीलाई चिन्दैछु
आधा बाटो पुगेपछि तिमिले साथ छोड्ने भएपछि
निर्धो मान्छेले खोलो तर्दैन,मैले तिमीलाई चिन्दैछु
थाहा छ मलाई,आँ गरेर जति आकाश कुरे पनि
काँचो फल मुखमा झर्दैन,मैले तिमीलाई चिन्दैछु
कृष्ण थापा,तानसेन पाल्पा
