- ट्रेण्डिङ :
एजेन्सी । चीनको भ्याक्सिन विशेषज्ञ कानसिनो बायोलोजिक्स इन्कले आफूले तयार गरेको भ्याक्सिन 'एडी फाइभ एनकोभ'को पेटेन्ट दर्ता गरेको छ । चिनियाँ सञ्चारमाध्यमले बौद्धिक सम्पत्ति नियामक निकायको दस्तावेजलाई उधृत गर्दै कानसिनोले पेटेन्ट अधिकार लिएको जनाएका छन् ।
पिपुल्स डेलीका अनुसार कानसिनो चीनबाट पेटेन्ट पाउने पहिलो भ्याक्सिन बनेको छ । पिपुल्स डेलीमा प्रकाशित समाचारमा चिनियाँ राष्ट्रिय बौद्धिक सम्पत्ति प्रशासनको दस्तावेजहरुको हवाला दिएर अगष्ट ११ मा नै कानसिनोको भ्याक्सिनले चीनमा पेटेन्ट दर्ता गराएको उल्लेख छ ।
दोस्रो चरणको परीक्षण सकिएको उक्त भ्याक्सिनको तेस्रो चरणको परीक्षणका लागि साउदी अरबमा हुन गइरहेको छ । यस्तै रुस, ब्राजिल र चिलीमा पनि परीक्षणका लागि कुराकानी भइरहेको बताइएको छ । पेटेन्ट दर्तापछि कम्पनीको सेयर मूल्यमा उल्लेख्य वृद्धि भएको छ ।
