शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा सार्वजनिक गरेको छ । अध्यक्ष प्रा.डा. चन्द्रमणि पौडेलका अनुसार बोर्डको सोमबार बसेको बैठकले नतिजा सार्वजनिक गर्ने निर्णय हो । ४ लाख ८२ हजार परीक्षार्थीहरुले एसईई परीक्षाका लागि आवेदन फारम भरेका थिए । विद्यालयले पठाएको नतिजा रुजु गरेर नतिजा सार्वजनिक गरेको बताइएको छ ।
बोर्डले चार लाख ७२ हजार ७८ जना परीक्षार्थीको नतिजा सार्वजनिक गरेको हो । करिब १० हजार जनाको परीक्षा भने रद्द भएको बताइएको छ ।
विद्यालयका प्रधानाध्यापक अध्यक्ष र सम्बन्धित कक्षा शिक्षक तथा सम्बन्धित माध्यमिक तहका शिक्षकहरू मध्ये नियुक्तिका आधारमा सबैभन्दा जेष्ठ शिक्षक प्रतिनिधि सदस्य रहेको मूल्यांकन समितिले विद्यार्थीहरूको मूल्यांकन गरेको थियाे।
गत चैत ६ गतेका लागि निर्धारित एसईई परीक्षा कोभिड–१९ का कारण अन्तिम समयमा स्थगित भएको हाे । परीक्षा नहुने भएपछि विद्यालयले गरेको आन्तरिक मूल्यांकनको आधारमा नतिजा सार्वजनिक गरेको हाे।
