मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
एजेन्सी । अमेरिकामा स्वास्थ्य अधिकारीहरुलाई सल्लाह दिने विज्ञ समुहको एक प्रमुख टोलीले सरकारले अनुमति दिएका चार वटा कोरोना भाइरस विरुद्धको भ्याक्सिन असफल हुने बताएका छन् । ती भ्याक्सिनहरु परीक्षणको अन्तिम क्रममा रहेका छन् ।
सीएनबीसीको रिपोर्टका अनुसार नेशनल एकेडेमिक्स अफ साइन्सेज इन्जिनियरिङ एण्ड मेडिसिनले जारी गरेको एक ड्राफ्ट रिपोर्टमा कुनै भ्याक्सिनले अनुमति पाए पछिको योजना पेश गरेको छ । रिपोर्टमा भनिएको छ, अमेरिकी सरकारको अपरेशन वार्प स्पीड, फेज–३ परीक्षणको क्रममा रहेका ७ भ्याक्सिनलाई अनुमति पाउन सक्छ । रिपोर्ट यिनै मध्ये ४ असफल हुनेछन् ।
बायोस्ट्याटिक्स जर्नलमा प्रकाशित उक्त अध्ययनका अनुसार संक्रमण रोगहरुको भ्याक्सिन सफल हुने सम्भावना ३३.४ प्रतिशत हुन्छ । स्वस्थ्य विशेषज्ञहरुले पेश गरेको ड्राफ्ट योजनामा भ्याक्सिनको सफलताका लागि चार चरणमा वितरण गर्ने जनाइएको छ । स्वास्थ्यकर्मी, असुरक्षित मानिसहरु, वृद्ध र कुनै दीर्घ रोगबाट पीडित मानिसहरुलाई पहिले भ्याक्सिन दिने योजना रहेको छ । त्यसमा पनि कुनै पनि भ्याक्सिनको परीक्षणमा सहभागी मानिसहरुलाई प्राथमिकताका आधारमा सफल भ्याक्सिनको खुराक दिइने बताइएको छ ।
स्मरणीय छ, अमेरिकी सरकारले तीब्र रुपमा कोरोना भाइरसको भ्याक्सिन तयार गर्नका लागि अपरेशन वार्प स्पीड नामको कार्यक्रम नै शुरु गरेको छ । पछिल्लो महिनासम्ममा अमेरिकाले ६ सम्भावित भ्याक्सिनका लागि अर्बौं रुपैयाँ लगानी गरिसकेको छ । यसमा Pfizer, Moderna र AstraZeneca कम्पनीका भ्याक्सिन मुख्य रहेका छन् । यी सबै तेस्रो चरणको परीक्षणमा पुगिसकेका छन् । केही भ्याक्सिनको उत्पादन भने स्वीकृति पाउनुभन्दा अघि नै शुरु गरिसकिएको छ ।
