- ट्रेण्डिङ :
काठमाडौं, तारकेश्वर नगरपालिका–१०, मनमैजुमा रहेको एन्जल्स हार्ट सेकेन्डरी स्कूलले एसईई दिएका जेहनदार विद्यार्थीलाई लक्षित गरि परीक्षा सञ्चालन गरेर छनोट भएका विद्यार्थीहरूलाई पूर्ण तथा आंशिक छात्रवृत्तिको व्यवस्था गर्ने भएको छ ।
म्याग्दी बेनी बजारस्थित गुरुकुल इन्स्टिच्युटमा २०८० जेठ १९ गते विहान १० बजेबाट परीक्षा सञ्चालन हुने शिक्षक दिपक आचार्यले बताए । म्याग्दी जिल्लाका विभिन्न विद्यालयबाट एसईई दिएका विद्यार्थीलाई छात्रवृत्तिका लागि परीक्षामा सहभागी हुनका लागि अनुरोध गरेका छन । म्याग्दीबाट परीक्षामा सहभागी भई उत्कृष्ट नतिजा लिने १ जना छात्र र १ जना छात्राले पूर्ण छात्रवृत्ति पाउने छन । १ जना छात्र र १ जना छात्राले आंशिक छात्रवृत्तिमा अध्ययन गर्न पाउनेछन ।
बागलुङ बजार गोल्डेन गेत इन्स्टिच्युटमा २०८० जेठ १७ गते बिहान १० बजे र धवलागिरी मोर्डन इन्स्टिच्युटमा बिहान ७ बजे, बागलुङ बुर्तिवाङ्ग बजारमा २०८० जेठ १८ गते बिहान १० बजे परीक्षा सञ्चालन हुनेछ । बागलुङबाट परीक्षामा सहभागी भई उत्कृष्ट नतिजा लिने १ जना छात्र र १ जनाले छात्रा पूर्ण छात्रवृत्ति पाउने छन । १ जना छात्र र १ जना छात्राले आंशिक छात्रवृत्तिमा अध्ययन गर्न पाउनेछन ।
त्यसैगरी पर्वत कुश्मा बजारमा रहेको अक्सफोर्ड इन्स्टिच्युटमा २०८० जेठ २० गते बिहान १० बजे र शिवालय माध्यमिक विधालयमा बिहान ८ बजे परीक्षा सञ्चालन हुनेछ । पर्वतबाट परीक्षामा सहभागी भई उत्कृष्ट नतिजा लिने १ जना छात्र र १ जना छात्राले पूर्ण छात्रवृत्ति पाउने छन । भने १ जना छात्र र १ जना छात्राले आंशिक छात्रवृत्तिमा अध्ययन गर्न पाउनेछन ।
पूर्ण छात्रवृत्ति पाउने विद्यार्थीलाई कक्षा १२ सम्म अध्ययन र खानेबस्ने सुविधासहित होस्टल बस्नका लागि कुनै पनि शुल्क लाग्ने छैन । त्यसैगरी आंशिक छात्रवृत्ति पाउने विद्यार्थीलाई कक्षा १२ सम्म अध्ययन र खानेबस्ने सुविधासहित होस्टल बसेको आधा शुल्क लाग्नेछ ।
