- ट्रेण्डिङ :
एजेन्सी । सिंगो विश्व कोरोना भाइरस संक्रमणबाट ग्रस्त छ । संक्रमण मृत्यु दर दिन प्रतिदिन बढ्दो छ । अचुक औषधिको अभावमा प्रयोगात्मक शैलीको उपचारका भरमा जसोतसो जीवन बचाउने प्रयत्नहरु भैरहेका छन । तर पनि वैज्ञानिकहरुले आ–आफ्ना प्रयास गरिरहेकै छ ।
यसैबीचमा जर्मनीका वैज्ञानिकहरुको एउटा सफलताले आसा जगाएको छ । किनकी उनीहरुले कोरोना भाइरससंग लड्न सक्ने अत्यधिक प्रभावशाली एन्टीबडी पत्ता लगाएका छन । यसलाई कोरोना भाइरसविरुद्धको खोप बनाउन प्रयोग गर्न सकिने उनीहरुको दावी छ ।
जर्मन सेन्टर फर न्युरोडिजेनेरेटिव एण्ड च्यारिटी यूनिभर्सिमेडिजिन बर्लिनका वैज्ञानिकहरुले यस्तो सफलता हात पारेका हुन । उनीहरुले कोरोना संक्रमित विरामीको रगतबाट ६०० प्रकारका फरक फरक एन्टिबडी लिए ।
ती सबै एन्टिबडीले भाइरस माथी गर्ने असरका बारेमा प्रयोगशालामा गहन अध्ययन गरे । वैज्ञानिकहरुले ती एन्टिबडीको सहयोगमा एक कृत्रिम एन्टीबडीको विकास गरे । यो एन्टीबडीलाई ‘न्युट्लाइजिंग’ नाम दिइएको छ ।
वैज्ञानिकहरुले यो ‘न्युट्लाइजिंग’ एन्टीबडीले कोरोना भाइरसलाई गर्ने असर बारे अध्ययन गर्दा भाइरसविरुद्ध एन्टीबडी सफल भएको तथ्य फेला पारे ।
वैज्ञानिकहरुले बताए अनुसार यो ‘न्युट्लाइजिंग’ एन्टीबडीले कोरोना भाइरसलाई मानव कोशिकाहरुमा प्रवेश गर्न र प्रजनन् गर्न पूर्ण रुपमा रोक्छ । यद्यपी यस विषयमा अझै अध्ययन अनुसन्धान गर्न बाँकी नै छ ।
जर्मन सेन्टर फर न्युरोडिजेनेरेटिव एण्ड च्यारिटी यूनिभर्सिमेडिजिन बर्लिनका वैज्ञानिकहरुको अनुशन्धानको रिपोर्ट सेल जर्नलमा प्रकाशित भएको छ ।
