- ट्रेण्डिङ :
के तपाईंको फोन पटक-पटक चार्ज गरिरहनु पर्दछ ? के फोनमा लिएको डेटा केही बेर इन्टरनेट चलाउँदा सक्किने गरेको छ ? यदि त्यस्तो समस्या भोगिरहनु भएको छ भने सायद यो कुरा थाहा पाउँदा तपाईंलाई अचम्म लाग्ला कि यसो हुनुका पछाडि कुनै एपको अत्यधिक प्रयोग कारण नहुन सक्दछ । यसका लागि तपाइँको फोनमा रहेको एउटा सेटिङ जिम्मेवार हुनसक्छ ।
सेटिङ्समा लुकेको रहस्य
हल सबैजसो एन्ड्रोइड स्मार्टफोनमा केही यस्ता सेटिङ्स पहिलेदेखि नै सक्रिय हुन्छन्, जसले तपाईंको फोनको डेटा तथा ब्याट्री दुवैलाई तीव्र रुपमा रित्याइदिन्छन् । खुसीको खबर यो छ कि त्यस्ता सेटिङ्सलाई बन्द गर्न निकै सजिलो छ । अनि त्यसरी बन्द गरिसकेपछि तपाईंको स्मार्टफोनको डेटा थप समय टिक्ने मात्र होइन, फोनको ब्याट्री खपत पनि कम हुन्छ ।
यसरी गर्नुस् सेटिङ्समा परिवर्तन
त्यसका लागि सबैभन्दा पहिले आफ्नो फोनको Settings मा जानुहोस् । अनि तलतर्फ स्क्रोल गर्नुहोस् र न्ययनभि सेक्सनमा जानुहोस् । त्यहाँ तपाईंले Google Services & Preferences नामक एउटा अप्सन पाउनु हुनेछ ।
उक्त खण्डभित्र गएर Personalize using shared data अप्सनमा ट्याप गर्नुहोस् । त्यहाँ तपाईंले तीनवटा विकल्प देख्नुहुनेछ : Gmail, External Media र Device Contacts। तपाईंको फोनमा यी तीनवटै विकल्प पहिलेदेखि नै सक्रिय हुनसक्छन् । यदि त्यस्तो छ भने सबैलाई बन्द गरिदिनुहोस् ।
तत् पश्चात् पुन: Google Settings मा जानुहोस् र Usage & Diagnostics मा ट्याप गर्नुहोस् । अनि त्यसलाई पनि बन्द गर्नुहोस् । यसो गर्दा गुगलले तपाइँको फोनको प्रयोग रिपोर्ट र डायग्नोस्टिक डेटा संकलन गर्न बन्द गर्नेछ । फलत: फोनको ब्याट्री र डेटाको खपत कम हुनेछ।
थर्ड पार्टी एपलाई सीमित पहुँच
यसका अलावा थर्ड पार्टी एपहरुलाई पनि जति सक्दो कम पहुँच दिनुहोस् । विभिन्न सोसल मिडिया एपहरुलाई तपाईंको गतिविधि ट्रयाक गर्नबाट रोक्नका लागि एप अनुमति र ब्याकग्राउण्ड डेटा पहुँचलाई नियन्त्रण गर्नुहोस् ।
उल्लिखित स-साना सेटिङ्सलाई परिवर्तन गरेपश्चात् तपाईंको फोनको डेटा तथा ब्याट्री दुबैको बचत हुनेछ । साथै तपाईंले फोनमा अनावश्यक विज्ञापनहरु पनि कम देख्नुपर्नेछ । किनकि तपाईंको कम मात्रै व्यक्तिगत डेटाहरु एपसम्म पुग्नेछन् ।
