- ट्रेण्डिङ :
फिट्किरीमा प्राकृतिक एस्ट्रिजेन्ट र एन्टिब्याक्टेरियल गुणहरू हुन्छन् । सुन्दरता बढाउन यसलाई धेरै तरिकाले प्रयोग गरिन्छ । अनुहारमा लगाउनेदेखि लिएर काखको दुर्गन्ध हटाउनेसम्म यसको अनेक प्रयोग छन् ।
तर फिट्किरी खुट्टाको लागि पनि धेरै तरिकाले फाइदाजनक छ । के तपाईँलाई यो कुरा थाहा छ ? आजको यस लेखमा हामी फिट्किरी पानीले खुट्टा धुँदा हुने फाइदाहरूबारे कुराकानी गर्नेछौं ।
गन्ध हटाउँछ– फिट्किरीलाई मनतातो पानीमा भिजाएर त्यसमा खुट्टा धुँदा खुट्टाको दुर्गन्ध हटाउन मद्दत गर्न सक्छ । तपाईँले दिनभर जुत्ता लगाउनुभएको छ र गर्मीले गर्दा पसिनाले खुट्टा गन्हाउन थाल्छ भने, फिट्किरीको पानीले खुट्टा धुँदा गन्ध हटाउन मद्दत गर्न सक्छ ।
थकान कम हुन्छ– फिट्किरीको पानीमा खुट्टा भिजाउँदा थकान कम हुन्छ । यदि तपाईँलाई थकान महसुस हुन्छ भने फिट्किरी पानीमा खुट्टा भिजाउनु फाइदाजनक हुन्छ ।
नङ पनि सफा गर्छ– तपाईंको नङ फोहोरले भरिएको छ वा फोहोर देखिन्छ भने फिट्किरीको पानीले खुट्टा धुनुहोस् । तपाईंको खुट्टा चम्किन थाल्नेछ ।
कुर्कुच्चा नरम बनाउँछ– फिट्किरी पानीले कुर्कुच्चा नरम बनाउँछ । यसले छालालाई पनि चम्किलो बनाउँछ ।
कसरी तयार गर्ने फिट्किरी पानी ?
मनतातो पानी टब वा बाल्टिनमा खन्याउनुहोस् ।
यस पानीमा १–२ टुक्रा फिट्किरी थप्नुहोस् ।
यदि तपाईँ फिट्किरीको धुलो प्रयोग गर्न चाहनुहुन्छ भने, तपाईँ २ चम्चा फिट्किरीको धुलो प्रयोग गर्न सक्नुहुन्छ ।
यस पानीमा आफ्नो खुट्टा १५ देखि २० मिनेटसम्म भिजाउनुहोस्, त्यसपछि निकाल्नुहोस् र पानीले कुल्ला गर्नुहोस् ।
समयको कमी छ भने, फिट्किरी पानीले सामान्य तरिकाले खुट्टा धुँदा पनि हुन्छ ।
